نداء لقصعة صليط

[اميرة الكون]

صباح الخير يابنات كيف الحال انشاء الله تكونون بصحة وعافية
نداء خاص الى قصعة صليط
بكرة عندي عزيمة بنات وطالبين مني اسوي لهم كيكة الجزر ومرة متورطة
ماعندي طريقة مضبوطة وقلت مالي الا الله ثم قصعة صليط تنزليلي طريقة مضبوطة لكيكة الجزر
لاني بصراحة جربت كل الحلى اللي نزلتيه بصراحة مرررررررررررة يضبط معي ويجنن
عاد العصيد شي ثاني مرة مضبوظة ولا عصيد القثمي
والله يسعدش ياقصوعة باسرع وقت نزليلي كيكة الجزر لاني متوهقة بسررررررررررررعة :SnipeR (10):


الله يعطيش الصحة والعافية ويارب يسعدش يالزينة

[قصعة صليط]

يسعدني كثيرا كونه يضبط معاش يالزينه ^_^

تدرين لو هالنداء متأخر يوم بس كان صورتلش كيكة الجزر اللي سويناها لبابا في العمل ^_^

مره انهبلوا عليها حتى اللي عندهم سكر كلوها خخخخ

وهذي الطريقة وبإذن الله تضبط معاش



كيكة الجزر

المقادير

4 بيضات + 1كاس سنكر + 1م ك قرفه
1 كاس زيت + 2كاس دقيق ( استخدم الكويتي ) + 2 م ك بيكنج بوطر
م فانيلا + 1كاس جزر مبشور

الطريقة

اضربي البيض مع الفانيلا والسكر زييييييين حتى تصير زي القشطه
أضيفي القرفه والزيت واخفقي
أضيفي الدقيق بشويش خليش ريضه مع البيكنج بوطر ( شوفي لوتخلطين البيكنج بوطر مع الدقيق قبل تضيفينه أحسن )
ثم ضيفي الجزر واستمري في الخفق
اذا تحبين الجوز ( عين الجمل ) كسري شوي وحطيه مع الخليط
حطي الخليط في صينيه مدهونه ودخليه الفرن 40 د


بعد ماتطلع الكيكه خليها تبرد فتره كافيه بعدين حطي الكريمه من داخل وبرا

شوفي حبيبتي لو تشربين الكيكه عالخفيف بعصير بتطلع أحلا خاصه إذا صارت لش ناشفه

احنا مره سويناها وانشغلنا بشي ثاني مادخلناها الفرن على طول فطلعت ناشفه بس لما شربنا بعصير طلعت روووعه

الكريمه

علبة الفيلادلفيا + 2 قشطة ندى طازجه + ثلاثة أرباع كاس سنكر + م ك ليمون


وصحه وعافيه >> عبالها كتاب طبخ خخخخ






سهاااااااااااالهـ .. ربي يحفظكمـ

[اميرة الكون]

الله يعطيك الف صحة وعافية ياااااااااااااااااااااااااااااااااارب
وتسلم يدينك ويسعدك ربي انك فكيتي ازمتي هههههههههه
مشكورة حبيبتي وربي يحفظك

[قصعة صليط]

ويعافيك حبيبتي ^_^

بس نسيت شغله

ترى السكر في الكريمة لازم يكون مطحون


وحاضرين دوم للطيبين




سهااااااااااالهـ .. ربي يحفظش

[حضرمية_دوعنية]

هههه عرفت الحين ليش انتي حاطة اسم قصعة صليط يا سلام خلاص انا بتخصص في وادي الجمال وباسمي عمري ( وصلة ويل و مضرب عطر) ههههه
شكرا على الطريقة بسويها اليوم. ويعطيك الف عافية حبووبة

[بقايا احساس]

اممم شكلها لذيذة يعطيكي العافيه

[سعودي يحب اليمن]

انت مبدعة يا قصعة صليط

[فاطمة عليييه]

تشكراااااااااات قصوعتي على الكيكة :SnipeR (21):

بانتظار عوده الحياة للفرن + توفير الفلاديلفيا :SnipeR (10):

وبجربها باذن الله ...